नाशिक विभागीय कुस्ती स्पर्धेत गोपीचंद पुना पाटील,विद्यालय तथा कनिष्ठ महाविद्यालयाचे तनु पाटील व स्वराज चौधरी विजयी…!!!!!!
कोळगाव ता.भडगाव (वार्ताहर) – कर्मवीर तात्यासाहेब हरि रावजी पाटील,किसान शिक्षण संस्था,भडगाव,संचलीत, *गोपीचंद पुना पाटील,विद्यालय व कनिष्ठ महाविद्यालय,कोळगाव ता.भडगाव येथील तथा *किसान स्पोर्ट्स अकॕडमीचे खेळाडू कु. तनु वाल्मीक पाटील (४९ किलो,प्रथम) तसेच *चि.स्वराज प्रल्हाद चौधरी (ग्रीकोरोमन ६५ किलो,प्रथम) यांनी जिल्हा क्रीडा अधिकारी,कार्यालय, नाशिकतर्फे,बलकवडे व्यायामशाळा, भगुर जि.नाशिक येथे आयोजित विभागस्तरीय कुस्ती स्पर्धेत आपआपल्या प्रतिस्पर्धी खेळाडूस चितपट करून यश संपादन केले आहे.
याच स्पर्धेत *चि.ओम ज्ञानेश्वर बोरसे (ग्रीकोरोमन ९२ किलो, द्वितीय)* उपविजेतेपद प्राप्त केले आहे.
*तनु तसेच स्वराज* यांची *खोपोली जि. रायगड* येथे आयोजित राज्यस्तरीय कुस्ती स्पर्धेसाठी निवड झाली आहे.
स्पर्धेत यश मिळवणाऱ्या कुस्तीपटूंना *आदर्श क्रीडा शिक्षक बी.डी.साळुंखे,राष्ट्रीय खो-खो पंच प्रा.प्रेमचंद चौधरी* यांचे मार्गदर्शन लाभले.
स्पर्धेतील यशस्वी खेळाडूंच्या या यशाबद्दल संस्थेचे चेअरमन तथा जिल्हा बँक संचालक आदरणीय *नानासाहेब प्रतापराव पाटील,संस्थेच्या सचिव तथा दूध फेडरेशनच्या संचालिका डॉ.पुनमताई पाटील,मंत्रालय सचिव प्रशांतराव पाटील,प्राचार्य अनिल पवार, पर्यवेक्षिका सिमा शिसोदे* तसेच शिक्षक-शिक्षकेतर,प्राध्यापक-प्राध्यापिका आदिंनी आनंद व्यक्त करीत व अभिनंदन करुन पुढील स्पर्धेसाठी शुभेच्छा दिल्या आहेत.
