परिवहन विभागातील कर्मचारी राजू चौधरी सेवानिवृत्त : आमदार किशोर अप्पा पाटील यांच्या हस्ते सत्कार
पाचोरा:परिवहन विभाग पाचोरा येथील कर्मचारी राजू शेषराव चौधरी हे वयोमानानुसार वयाची ५८ वर्षे पूर्ण करून ३१मे २०२६ रोजी सेवानिवृत्त झाले. त्यांनी परिवहन विभागात तब्बल ३४ वर्षे अविरत आणि यशस्वी सेवा बजावली. त्यांच्या या प्रदीर्घ सेवापूर्तीनिमित्त पाचोरा तालुक्याचे लोकप्रिय आमदार माननीय किशोर अप्पा पाटील यांच्या हस्ते शाल व श्रीफळ देऊन त्यांचा भावपूर्ण सत्कार करण्यात आला.
याप्रसंगी आमदार किशोर अप्पा पाटील यांनी राजू चौधरी यांना पुढील वाटचालीसाठी भरभरून शुभेच्छा दिल्या. “त्यांचे पुढील आयुष्य सुख-समाधानाचे, समृद्धीचे आणि आनंदाचे जावो,” अशी सदिच्छा त्यांनी व्यक्त केली. चौधरी यांच्या सेवेचा गौरव करताना आमदार म्हणाले,
“एसटीचा हा केवळ नोकरीचा प्रवास नव्हता, तर या प्रवासात त्यांनी त्याग, जनसेवा, सेवाभाव आणि समर्पण वृत्ती जोपासली. त्यांचा संपूर्ण कार्यकाळ हा इतरांसाठी प्रेरणादायी असाच होता.”
राजू शेषराव चौधरी हे संजय शेषराव चौधरी, विजय शेषराव चौधरी आणि साहेबराव शेषराव चौधरी यांचे बंधू आहेत. विशेष म्हणजे, शिष्यवृत्ती परीक्षा व नवोदय विद्यालय परीक्षेमध्ये जास्तीत जास्त विद्यार्थी उत्तीर्ण करून जिल्हा परिषद शाळा, ‘होल’ (ता. पाचोरा) चे नाव जिल्हा पातळीवर उंचावणारे आदर्श शिक्षक साहेबराव चौधरी यांचे ते मोठे बंधू आहेत.
या कौतुक सोहळ्याप्रसंगी , शिक्षक सेना कार्याध्यक्ष जळगाव राजेंद्र भीमराव पाटील,शिक्षक सेना जिल्हा संघटक विजय पुरुषोत्तम ठाकूर, अल्पसंख्याक आघाडीचे तालुका प्रमुख जावेद रहीम, विनोद धनगर, शिवदास देवरे, यांच्यासह अनेक मान्यवर, मित्रपरिवार आणि नातेवाईक मोठ्या संख्येने उपस्थित होते. सर्वांनीच राजू चौधरी यांच्या भावी वाटचालीस उत्स्फूर्त शुभेच्छा दिल्या.
