कापूस उत्पादक शेतकऱ्यांसाठी दिलासादायक पाऊल
कंकराळा (ता. सोयगाव) येथे सीसीआय खरेदी केंद्राचा आमदार अब्दुल सत्तार यांच्याहस्ते शुभारंभ
दत्तात्रय काटोले
सोयगाव, दि. 3 : कंकराळा (ता. सोयगाव) येथील प्रगती जिनिंग प्रेसिंग परिसरात भारतीय कपास निगम लिमिटेड (सीसीआय) यांच्या मार्फत सुरू करण्यात आलेल्या शासकीय कापूस खरेदी केंद्राचा शुभारंभ आमदार अब्दुल सत्तार यांच्या हस्ते झाला.
कार्यक्रमास जिल्हा बँकेचे चेअरमन अर्जुन पा. गाढे, शिवसेना उपजिल्हाप्रमुख प्रभाकर काळे, केशवराव तायडे, बाजार समितीचे सभापती विश्वास पा. दाभाडे, उपसभापती संदीप राऊत, धरमसिंग चव्हाण, गोपी जाधव, सीसीआय केंद्राचे संचालक के. पी. मीना, शुभदीप खान आदी मान्यवर उपस्थित होते.
या वेळी बोलताना आमदार सत्तार म्हणाले की, “कंकराळा येथील सीसीआय केंद्रामुळे शेतकऱ्यांचा कापूस शासनाने जाहीर केलेल्या आधारभूत किमतीनुसार खरेदी केला जाणार असून खाजगी व्यापाऱ्यांकडून होणारी पिळवणूक थांबणार आहे.”
सोयगाव तालुक्यात जिनिंग–प्रेसिंग व सीसीआय खरेदी केंद्र सुरू होण्याची शेतकऱ्यांची दीर्घकाळापासूनची मागणी अखेर पूर्ण झाली आहे. स्वातंत्र्यानंतर प्रथमच येथे जिनिंगची स्थापना व सरकारी कापूस खरेदी सुरू झाल्याचे आमदार सत्तार यांनी नमूद केले. प्रगती सहकारी जिनिंग प्रेसिंग ही शेतकऱ्यांच्या मालकीची संस्था असून अत्याधुनिक तंत्रज्ञानयुक्त सुसज्ज सुविधा येथे उपलब्ध असल्याचेही त्यांनी सांगितले. शेतकऱ्यांनी पूर्वनोंदणी करून कापूस पाठवावा, असे आवाहन त्यांनी यावेळी केले.
शेतकरी व चालकांचा सत्कार
कार्यक्रमात आमदार सत्तार यांच्या हस्ते शेतकरी सतीश गजानन बिंदवाल (रा. तिडका), गजानन लक्ष्मण ढगे (रा. आमखेडा) तसेच ट्रॅक्टर चालक कृष्णा संजय ढाकरे यांचा सत्कार करण्यात आला.
कार्यक्रमाचे प्रस्ताविक कृषी उत्पन्न बाजार समितीचे सचिव विश्वास पाटील यांनी केले. सूत्रसंचालन संतोष बोडखे यांनी केले तर आभार प्रदर्शन विलास वराडे यांनी मानले.
मान्यवरांची मोठी उपस्थिती
दारासिंग चव्हाण, कुणाल राजपूत, राधेश्याम जाधव, शेख सलीम, भारत तायडे, अक्षय काळे, राजू दुतोंडे, कदिर शहा, हर्षल काळे, संदीप सुरडकर, भगवान जोहरे, गजानन कुडके, अतिश ताठे, दिलीप देसाई, मेघराज राठोड, आत्माराम पवार, बद्री चव्हाण, इब्राहिम देशमुख, नाजीम पठाण, नारायण राठोड, सांडू राठोड, अविनाश पाटील, मुबारक शेख, फिरोज पठाण, डॉ. देशमुख, रवींद्र परदेसी, शरद पाटील, समाधान तायडे, शिवप्पा चोपडे, मोहन सुरडकर, देविदास राजपूत, छोटेसिंग राजपूत, भारत राठोड, विश्वास चव्हाण, शेख जाकीर, शेख मुख्तार, उस्मान पठाण, मेहबूब खान, अयुब खान, नवाब खान, भीमराव बोराडे, अजीम सय्यद, प्रवीण कदम, गजानन ढगे, सिराज पठाण, खंडू पाटील, राजमल पवार आदी मान्यवर उपस्थित होते.
फोटो दत्तात्रय काटोले
